نیشنل ویمنز ٹی ٹوئنٹی ٹورنامنٹ میں منگل کے روز  کھیلے گئے میچوں میں کانکررز نے چیلنجرز کو 7 وکٹوں سے شکست دیدی ۔ اسٹرائیکرز نے اسٹارز کو  4 وکٹوں سے ہرادیا۔

بوہرنوالی گراؤنڈ فیصل آباد میں چیلنجرز 18.3  اوورز میں 98  رنز بناکر آؤٹ ہوگئی۔کومل خان 27 رنز کے ساتھ ٹاپ اسکورر رہیں۔لاریب ملک اور ام ہانی نے سولہ سولہ رنز بنائے۔

غلام فاطمہ نے 18 رنز دے کر 3 وکٹیں حاصل کیں۔عائشہ بلال نے دو وکٹیں حاصل کیں۔

کانکررز نے 15.5  اوورز میں تین وکٹوں پر ہدف حاصل کرلیا۔ منیبہ علی 41 رنز کے ساتھ ٹاپ اسکورر رہیں۔گل رخ نے 22 رنز اسکور کیے۔

جواد کلب گراؤنڈ میں  اسٹارز نے پہلے بیٹنگ کی اور 20 اوورز میں 8 وکٹوں پر  87 رنز بنائے۔حفصہ خالد 14 رنز کے ساتھ ٹاپ اسکورر رہیں۔طوبٰی حسن اور ڈیانا بیگ نے بارہ بارہ رنز بنائے۔

رامین شمیم نے 11 رنز دے کر 3 وکٹیں حاصل کیں۔

اسٹرائیکرز نے مطلوبہ اسکور 17.3 اوورز میں   چھ وکٹوں پر پورا کرلیا۔

ایمان نصیر نے  27 رنز بنائے۔مومنہ ریاست اور طوبٰی حسن نے دو دو وکٹیں حاصل کیں۔