پریذیڈنٹ ٹرافی  گریڈ ٹو گولڈ  کے دوسرے راؤنڈ  کے پہلے دن کنگزمین کی ٹیم جے ڈی ڈبلیو کے فاسٹ بولر حسن حفیظ کی عمدہ بولنگ کے سبب اپنی پہلی اننگز میں  67.5  اوورز کی بیٹنگ میں 270 رنز بناکر آؤٹ ہوگئی۔

کھیل ختم ہونے پر  جے ڈی ڈبلیو  نے  بغیر کسی نقصان کے 34  رنز بنائے تھے۔

اسٹیٹ بینک اسپورٹس کمپلیکس میں جے ڈی ڈبلیو نے ٹاس جیت کر کنگز مین کو پہلے بیٹنگ دی۔

کنگز مین کی اننگز میں  رضوان محمود نے 6 چوکوں اور 2 چھکوں کی مدد سے 80 رنز اسکور کیے۔ عفان اسحق نے 41  نجب خان نے 40 اور عفنان خان 39 نے  رنز اسکور کیے۔رضوان محمود اور عفنان خان نے چھٹی وکٹ کے لیے 110 رنز کا اضافلہ کیا۔

جے ڈی ڈبلیو کی جانب سے حسن حفیظ نے عمدہ بولنگ کرتے ہوئے 61  رنز دے کر 7 وکٹیں حاصل کیں۔ آفتاب نے62  رنز دے کر3  کھلاڑی آؤٹ کیے۔

وکٹ کیپر محمد حسنین نے چار کیچز لیے۔

جے ڈی ڈبلیو کی پہلی اننگز میں زین عباس 19  اورصاحبزادہ عبداللہ  14 رنز پر ناٹ آؤٹ ہیں۔

یاد رہے کہ جے ڈی ڈبلیو نے گروپ بی کے اپنے پہلے میچ میں حیدر کرکٹ کلب کو 10  وکٹوں سے شکست دی تھی۔

جے ڈی ڈبلیو  کا تیسرا میچ 27 ستمبر سے نیشنل بینک کےخلاف یوبی ایل اسپورٹس کمپلیکس میں  ہوگاجبکہ وہ اپنے چوتھے اور آخری گروپ میچ میں ایشال ایسوسی ایٹس کے خلاف مدمقابل ہوگی جو یکم اکتوبر سے یوبی ایل اسپورٹس کمپلیکس میں کھیلا جائے گا۔