ویمنز سپر تھری ٹی ٹوئنٹی ٹورنامنٹ کے  چھٹے اور آخری لیگ میچ میں انکریڈیبلز نے واریئرز کو  39 رنز سے شکست دے دی ۔

یہ اس ٹورنامنٹ میں انکریڈیبلز کی پہلی کامیابی اور واریئرز کی پہلی شکست ہے تاہم واریئرز اور چیمپئنز پہلے ہی فائنل میں جگہ بناچکی ہیں جو 5 نومبر کو کھیلا جائے گا۔

اقبال اسٹیڈیم فیصل آباد میں منگل کو کھیلے گئے میچ میں  انکریڈیبلز نے ٹاس جیت کر پہلے بیٹنگ کی اور  20 اوورز میں 6  وکٹوں پر  167رنز بنائے۔

عائشہ ظفر نے 3 چھکوں اور 5 چوکوں کی مدد سے  50  رنز بنائے۔گل فیروزہ نے چار چوکوں کی مدد سے 46 رنز اسکور کیے۔

واریئرز جواب میں 20 اوورز میں 8  وکٹوں پر128  رنز بناپائی

صدف شمس نے  38 اور ایمان فاطمہ نے 36 رنز بنائے۔

ام ہانی اور وحیدہ اختر نے دو وکٹیں حاصل کیں۔