جے ڈی ڈبلیو اور نیشنل بینک کے درمیان پریذیڈنٹ ٹرافی گریڈ ٹو گولڈ کے میچ کے پہلے دن جے ڈی ڈبلیو نے نیشنل بینک کے خلاف  اپنی پہلی اننگز میں 45 رنز بنائے تھے اور اس کا ایک کھلاڑی آؤٹ ہوا تھا۔

زین عباس 8رنز بناکر آؤٹ ہوگئے۔علی حمزہ 21  اور عزیر ممتاز 13 رنز پر ناٹ آؤٹ تھے۔

اس سے قبل نیشنل بینک نے اپنی پہلی اننگز میں 70 اوورز کی بیٹنگ میں 9 وکٹوں پر 305 رنز بنائے۔ ابوبکرخان اور عبدالواحد نے سنچریاں اسکور کیں

یوبی ایل اسپورٹس کمپلیکس میں نیشنل بینک نے ٹاس جیت کر پہلے بیٹنگ کی اس کی اننگز میں ابوبکر خان نے 12 چوکوں کی مدد سے 105رنز اسکور کیے۔

عبدالواحد نے  8 چوکوں اور 2 چھکوں کی مدد سے 106 رنز بنائے اور آؤٹ نہیں ہوئے۔

محمد نعیم نے 58  رنز کی اننگز کھیلی جس میں 7چوکے اور 2 چھکے شامل تھے۔

آفتاب ابراہیم نے42  اور حسن حفیظ نے 59 رنز دے کر تین تین وکٹیں حاصل کیں۔

یاد رہے کہ جے ڈی ڈبلیو نے اپنا پہلا میچ حیدر کرکٹ کلب کے خلاف 10 وکٹوں سے جیتا تھا جبکہ کنگزمین کے خلاف اس کا دوسرا میچ ڈرا ہوگیا تھا۔

جے ڈی ڈبلیو کا آخری گروپ میچ ایشال ایسوسی ایٹس کے خلاف ہے جو یکم اکتوبر سے یوبی ایل اسپورٹس کمپلیکس میں کھیلا جائے گا۔