پاکستان کرکٹ بورڈ نے لارڈز ٹیسٹ مکمل ہونے کے بعد ہیڈ کوچ سرفراز احمد اور بولنگ کوچ عمر گل کو فارغ کردیا ہے اور ان کی جگہ یہ ذمہ داری وائٹ بال ہیڈ کوچ مائیک ہیسن اور ایشلے نوفکے سنبھالیں گے۔

ٹیسٹ اسکواڈ سے سات کھلاڑیوں کوبھی فارغ کرنے کا فیصلہ کیا گیاہے۔

فارغ کیے جانے والے کھلاڑیوں میں محمد رضوان، امام الحق، سلمان علی آغا، علی عثمان، عامر جمال، اویس ظفر اور خرم شہزاد شامل ہیں۔

ان کی جگہ سات کھلاڑیوں کو اسکواڈ میں شامل کیا گیا ہے جن میں ٹیسٹ سطح پر پانچ ان کیپڈ جبکہ دو کیپڈ کھلاڑی ہیں۔

متبادل کھلاڑیوں میں بیٹرز صائم ایوب اور عبداللہ فضل بالترتیب آٹھ اور دو ٹیسٹ میچز کھیل چکے ہیں جبکہ بائیں ہاتھ سے اسپن بولنگ کرنے والے آل راؤنڈر عرفات منہاس پاکستان کی جانب سے تین ون ڈے اور چار ٹی ٹوئنٹی انٹرنیشنل میچز کھیل چکے ہیں۔