پاکستان ویمنز انڈر 19 نے  سری لنکا ویمنز انڈر 19 کو سہ فریقی ٹی ٹوئنٹی سیریز کےدوسرے میچ میں 5 وکٹوں سے شکست دے دی۔

پہلے میچ میں پاکستان ویمنز انڈر 19 کو بنگلہ دیش ویمنز انڈر 19 کے خلاف 30 رنز سے شکست کا سامنا کرنا پڑا تھا۔

اقبال اسٹیڈیم فیصل آباد میں کھیلے گئے میچ میں  سری لنکا ویمنز انڈر 19نے پہلے بیٹنگ کرتے ہوئے 20  اوورز میں 9 وکٹوں کے نقصان پر124 رنز بنائے۔

پاکستان ویمنز انڈر 19 نے  19 اوورز میں 5 وکٹوں پر  ہدف حاصل کرلیا۔

سری لنکا کی اننگز میں نتھیمی اوپیکشا 39 رنز کے ساتھ ٹاپ اسکورر رہیں۔ وموکشا بالوسوریا نے 27رنز بنائے۔

پاکستان کی طرف سے ماہ نور زیب نے 18 رنز دے کر 3 وکٹیں حاصل کیں۔ میمونہ خالد نے دو وکٹیں حاصل کیں۔

پاکستان  کی اننگز میں کومل خان نے 7 چوکوں کی مدد سے50 رنز اسکور کیے۔ذوفشاں ایاز نے 38  رنز کی اننگز کھیلی۔

چامودی پرابودا  اور لیمانسا تلکارتنے نے دو دو وکٹیں حاصل کیں۔

سہ فریقی سیریز میں پاکستان ویمنز انڈر 19ٹیم اپنا تیسرا میچ 6 اکتوبر کو بنگلہ دیش ویمنز انڈر 19 کے خلاف کھیلے گی۔