لاہور: پاکستان سپر لیگ 11 میں اسلام آباد یونائٹڈ اور پشاور زلمی کے درمیان منگل کی شب قذافی اسٹیڈیم میں میچ بارش کی وجہ سے ایک گیند بھی کرائے بغیر ختم کرنا پڑا اور دونوں ٹیموں کو ایک ایک پوائنٹ دے دیا گیا
گراؤنڈ اسٹاف کی بھرپور کوششوں کے باوجود میچ آفیشلز نے فیصلہ کیا کہ آؤٹ فیلڈ ابھی بھی بہت گیلی ہے اور میدان کے کچھ حصے بھی گیلے ہیں۔
اس میچ کے نہ ہونے کے بعد پشاور زلمی کے دو میچوں میں تین پوائنٹس ہو گئے ہیں جبکہ اسلام آباد یونائٹڈ کو یہ پہلا پوائنٹ ملا ہے۔ کراچی کنگز پوائنٹس ٹیبل پر ابتک اپنے دونوں میچ جیت کر سرفہرست ہے جبکہ دفاعی چیمپیئن لاہور قلندرز نے دو میچز میں سے ایک جیتا ہے اور ایک میں اسے شکست ہوئی ہے۔
بدھ کو ملتان سلطانز کا مقابلہ حیدرآْباد کنگز مین سے ہوگا ۔ ملتان سلطانز کی کوشش ہوگی کہ وہ اپنا دوسرا میچ بھی جیت کر کراچی کے ہم پلہ ہو جائے جبکہ حیدرآباد کنگز مین اپنے دونوں ابتدائی میچز ہارنے کے بعد پوائنٹس حاصل کرنے کی کوشش کرے گی۔