پاکستان انڈر17 نے سری لنکا انڈر 17 کو چوتھے ون ڈے  میں 93 رنز سے شکست دے کر پانچ میچوں کی سیریز  میں تین ایک کی برتری حاصل کرلی۔

یاد رہے کہ پہلا میچ سری لنکا نے 99 رنز سے جیتا تھا۔دوسرے میچ میں پاکستان نے 151 رنز سے کامیابی حاصل کی تھی جبکہ تیسرا میچ  پاکستان 5     وکٹوں سے جیتا تھا۔

ملتان کرکٹ اسٹیڈیم میں  کھیلے گئے چوتھے ون ڈے میں پاکستان نے ٹاس جیت کر پہلے بیٹنگ کی اور 50  اوورز میں  9 وکٹوں پر 273  رنز بنائے۔

کپتان اذان احمد نے ایک چھکے اور 9 چوکوں کی مدد سے 82  رنز اسکور کیے۔

محمد یوسف  60  اور داؤد رانا 44 رنز بنانے میں کامیاب رہے۔

کالندوسچن تھانا ، تھاروکا سمنجیتھ اور ششیتھ بندارا نے دو دو وکٹیں حاصل کیں۔

سری لنکا  کی ٹیم 42.3  اوورز میں 180  رنز بناکر آؤٹ ہوگئی۔ ریشن سولومنز نے 64 رنز بنائے۔ اسٹیون پیئرس نے33 رنز اسکور کیے۔

عمار خان نے 44 رنز دے کر3  وکٹیں حاصل کیں۔ فہد اقبال اور محمد صائم نے دو دو کھلاڑی آؤٹ کیے۔

سیریز کا پانچواں اور آخری ون ڈے 24  اکتوبر کو کھیلا جائے گا۔