اہور ۔ پی ایس ایل کی ٹیکنیکل کمیٹی نے لاہور قلندرز کے کھلاڑی فخرزمان کی بال ٹمپرنگ کے فیصلے کے خلاف اپیل مسترد کرتے ہوئے میچ ریفری کا فیصلہ برقرار رکھا ہے۔
یاد رہے کہ میچ ریفری روشن مہانامہ نے فخرزمان کو بال ٹمپرنگ کی پاداش میں پی ایس ایل کے ضابطہ اخلاق کے آرٹیکل 2.14 تحت دو میچوں کی معطلی کا فیصلہ سنایا تھا۔ یہ میچ 29 مارچ کو کراچی کنگز اور لاہور قلندرز کے درمیان کھیلا گیا تھا۔
فخر زمان نے میچ ریفری کے اس فیصلے کے خلاف اپیل کی تھی۔ پی ایس ایل کی ٹیکنیکل کمیٹی نے از سر نو تحقیقات ، شواہد اور متعلقہ افراد کے دلائل کے بعد میچ ریفری کی جانب سے دی گئی دو میچوں کی معطلی کے فیصلے کو برقرار رکھا ہے۔
ٹیکنیکل کمیٹی پروفیسر جاوید ملک۔ ڈاکٹر ممریز نقشبند اور سید علی نقوی پر مشتمل ہے۔