نیشنل ویمنز ٹی ٹوئنٹی ٹورنامنٹ میں  ہفتے کے روز  کھیلے گئے میچوں میں اسٹرائیکرز نے  چیلنجرز کو 8  وکٹوں سے  ہرادیا ۔انونسیبلز نے کانکررز کے خلاف  6 وکٹوں  سے کامیابی حاصل کی۔

بوہرنوالی گراؤنڈ فیصل آباد میں  چیلنجرز نے پہلے بیٹنگ کرتے ہوئے 20 اوورز میں 7 وکٹوں پر 105 رنز بنائے۔عائشہ ظفر 32 رنز کے ساتھ ٹاپ اسکورر رہیں۔ام ہانی 21  رنزبناکر ناٹ آؤٹ رہیں۔

زیب النساء ۔ رامین شمیم اور نیلم مشتاق نے دو دو وکٹیں حاصل کیں۔

اسٹرائیکرز نے اٹھارویں اوور میں دو وکٹوں پر ہدف حاصل کرلیا۔ نتالیا پرویز 44 اور عمیمہ سہیل 26 رنز بناکر ناٹ آؤٹ رہیں۔

جواد کلب گراؤنڈ میں کانکررز نے پہلے بیٹنگ کرتے ہوئے 20 اوورز  میں 8 وکٹوں پر 111 رنز بنائے۔

نورین یعقوب نے31  رنزاسکور کیے۔ منیبہ علی23 رنز بناسکیں۔

انوشے ناصر نے 13 رنز دے کر 4 وکٹیں حاصل کیں۔

انونسیبلز نے  آخری اوور میں چار  وکٹوں کے نقصان پر مطلوبہ اسکور پورا کرلیا۔

گل فیروزہ  38  اور سدرہ امین 24 رنز کے ساتھ نمایاں رہیں۔عروب شاہ 20 اور ایمان فاطمہ 19 رنز بناکر ناٹ آؤٹ رہیں۔